आजबाट सुरु हुने नेपाल प्रिमियर लिग (एनपीएल) को उद्घाटन प्रधानमन्त्री बालेन शाहले गर्ने भएका छन्।

कीर्तिपुरस्थित त्रिवि क्रिकेट मैदानमा आज साँझ ५ बजेबाट एनपीएलका रोमाञ्चक खेलहरू सुरु हुँदैछन्। खेलको पूर्वसन्ध्यामा प्रधानमन्त्री शाहले नेपाली क्रिकेट टिम र प्रतियोगिता सफलताको लागि शुभकामनासमेत व्यक्त गरेका छन्।

करिब एक महिनासम्म सञ्चालन हुने यस प्रतियोगितालाई भव्य र सभ्य बनाउन आयोजक नेपाल क्रिकेट संघ (क्यान) ले यसपटक व्यापक सुधार र परिवर्तन गरेको छ।

नेपाली घरेलु क्रिकेटको इतिहासमा पहिलो पटक यस प्रतियोगितामा डीआरएस (DRS) प्रणाली लागू गरिएको छ। यसका साथै, विश्वचर्चित विदेशी स्टार खेलाडीहरूको सहभागिताले प्रतियोगितालाई थप प्रतिस्पर्धात्मक र उच्च स्तरको बनाएको छ। प्रतियोगितामा कुल आठ वटा फ्रेन्चाइज टोलीहरू उपाधिका लागि भिड्दै छन्।