भोजपुरको पौवादुङमा गाउँपालिका–३, च्याङ्ग्रेमा सामान्य विवादका क्रममा खुकुरी प्रहार हुँदा एक जना गम्भीर घाइते भएका छन् ।

बुधबार राति १० बजे स्थानीय ६० वर्षीय गणेशबहादुर राईले २७ वर्षीय धनकुमार राईमाथि खुकुरी प्रहार गरेका हुन् । आक्रमणबाट धनकुमारको घाँटीको पछाडिको भागमा गहिरो चोट लागेको छ ।

अवस्था र उपचार: घाइतेको अवस्था गम्भीर रहेकाले उनलाई प्राथमिक उपचारपछि थप उपचारका लागि धरानस्थित बिपी कोइराला स्वास्थ्य विज्ञान प्रतिष्ठान पठाइएको छ ।