वीरगञ्जमा युवतीमाथि गोली प्रहार, भारतको युवक पक्राउ
२०८२ भाद्र २३, सोमबार १८:०२ मा प्रकाशित
वीरगञ्ज । पर्साको वीरगञ्ज महानगरपालिका–१६, रजतजयन्ती चोक नजिक सोमबार एक युवतीमाथि गोली प्रहार भएको छ ।
गोली लाग्ने युवती भारत घर भएकी करिब १८ वर्षीया निशा कुमारी रहेको पर्साका प्रहरी उपरीक्षक (एसपी) गौतम मिश्रले जानकारी दिएका छन् । उनको गालामा गोली लागेको र अहिले वीरगञ्जस्थित नारायणी अस्पतालमा उपचार भइरहेको छ ।
घटनापछि भाग्दै गरेका भारतको झारखण्ड घर भएका २६ वर्षीय सञ्जीव शर्मालाई पक्राउ गरिएको प्रहरीले जनाएको छ ।
प्रारम्भिक अनुसन्धानअनुसार वीरगञ्जस्थित एक होटलमा खाजा खाने क्रममा विवाद हुँदा गोली चलाइएको देखिएको छ । घटनाको थप अनुसन्धान भइरहेको प्रहरीले जनाएको छ ।
तपाईको प्रतिक्रिया दिनुहोस