सांकेतिक
विराटनगरस्थित नोबेल मेडिकल कलेजको पाँचौ तलाबाट खसेर एकजना इन्टर्न डाक्टरको मृत्यु भएको छ।
मृतक सप्तरीको राजविराज नगरपालिका–९, जगदरीका ३४ वर्षीय अमित यादव हुन्।
प्रहरीका अनुसार आइतबार बिहान करिब ६:३० बजे नोबेल मेडिकल कलेजको मुख्य गेटतर्फ रहेको भवनको पाँचौँ तलाबाट यादव खसेका थिए। गम्भीर अवस्थामा फेला परेको उनलाई तत्काल अस्पतालको आकस्मिक कक्षमा भर्ना गरिएको थियो।
उपचारक्रममा बिहान ७:२५ बजे उनको मृत्यु भएको नोबेल शिक्षण अस्पतालका व्यवस्थापक दिपेश राईले जानकारी दिएका छन्।
यादव सोही मेडिकल कलेजमा एमबीबीएस इन्टर्न डाक्टरको रूपमा कार्यरत थिए।
तपाईको प्रतिक्रिया दिनुहोस