स्थानीय तह उपनिर्वाचनमा नेकपा एमालेले हालसम्म पाँच वडामा विजय हासिल गरेको छ। निर्वाचन आयोगका अनुसार एमालेले शुद्धोधन गाउँपालिका-१, रामगोपालपुर नगरपालिका-२, दुल्लु नगरपालिका-१३, मोलुङ गाउँपालिका-५, र सिरीजंगा गाउँपालिका-३ मा जित हात पारेको हो।
शुद्धोधन गाउँपालिका-१ मा मोहमद ताहिर मुसलमान विजयी भएका छन् भने रामगोपालपुर नगरपालिका-२ मा सकिवुल खाँ निर्वाचित भएका छन्। दुल्लु नगरपालिका-१३ मा लालबहादुर शाही, मोलुङ गाउँपालिका-५ मा गंगाबहादुर तामाङ, र सिरीजंगा गाउँपालिका-३ मा कुमारी सावादेन विजयी भएका हुन्।
निर्वाचन आयोगले निर्वाचन प्रक्रिया शान्तिपूर्ण रूपमा सम्पन्न भएको जानकारी गराउँदै विजयी उम्मेदवारहरूलाई प्रमाणपत्र वितरण गरिएको जनाएको छ।
तपाईको प्रतिक्रिया दिनुहोस