नेपाल स्टक एक्सचेञ्ज (नेप्से) मा आज ५ वटा कम्पनीहरुको शेयरमूल्य समायोजन गरिएको छ। लक्ष्मी सनराइज बैंक (LSL), शिवम् सिमेन्ट्स, साग्रिला डेभलपमेन्ट बैंक, डिप्रोक्स लघुवित्त र साना किसान विकास लघुवित्तका शेयरमूल्यहरू समायोजन गरिएका हुन्।

यी कम्पनीहरूले आफ्नो साधारण सभा र लाभांश वितरणका लागि बुकक्लोज गरेको थियो, जसका आधारमा नेप्सेले शेयरमूल्य समायोजन गरी नयाँ मूल्य निर्धारण गरेको हो।

आजको समायोजनमा लक्ष्मी सनराइज बैंकको शेयरमूल्य ५ प्रतिशतले घटेको छ, शिवम् सिमेन्ट्सको ८.५५ प्रतिशत, सांग्रिला डेभलपमेन्ट बैंकको ३.६५१६ प्रतिशत, डिप्रोक्स लघुवित्तको ९.५० प्रतिशत र साना किसान विकास लघुवित्तको १३.३० प्रतिशत बोनस शेयर समायोजन गरिएको हो।

समायोजनपश्चात नयाँ शेयरमूल्य यसप्रकार रहेका छन्:

लक्ष्मी सनराइज बैंक: २२४ रुपैयाँ ७६ पैसा
शिवम् सिमेन्ट्स: ५१२ रुपैयाँ २१ पैसा
सांग्रिला डेभलपमेन्ट बैंक: ३७२ रुपैयाँ ४० पैसा
डिप्रोक्स लघुवित्त: ७८५ रुपैयाँ ३९ पैसा
साना किसान विकास लघुवित्त: ८१४ रुपैयाँ ६५ पैसा

नेप्सेले अघिल्लो कारोबार दिनको अन्तिम मूल्यका आधारमा यी कम्पनीहरुको शेयरमूल्य समायोजन गरेको हो। अघिल्लो कारोबार दिन अर्थात मंगलबार, लक्ष्मी सनराइजको शेयर २३६ रुपैयाँमा, शिवम् सिमेन्ट्सको ५५६ रुपैयाँमा, सांग्रिलाको ३८६ रुपैयाँमा, डिप्रोक्सको ८६० रुपैयाँमा र साना किसानको ८२३ रुपैयाँमा अन्तिम कारोबार भएको थियो।