काठमाडौं । नेपाली कांग्रेसका सभापति शेरबहादुर देउवा भारत जाने भएका छन् । उनी उत्तरप्रदेशस्थित प्रयागराजमा आयोजित महाकुम्भमा देउवा भारत जान लागेका हुन् ।
इण्डिया फाउण्डेसनले ‘कुम्भ ग्लोबल समिट अन डेभलपमेन्ट एण्ड सस्टेइनबेलीटी’ कार्यक्रम सहभागी हुन भारत जान लागेका हुन् ।
उनी उक्त कार्यक्रमको वक्ताको रुपमा सहभागी हुन भारत जान लागेका हुन् । प्रयागराजमा कार्यक्रम शुक्रबार र शनिबार हुने अयोजकले जनाएको छ ।
कार्यक्रममा युपीका मुख्यमन्त्री योगी आदित्यनाथ समेत सहभागी हुनेछन् । समिट अन्य देशबाट पनि वक्ताका रुपमा आमन्त्रण गरिएको छ ।
फागुन १४ मा कुम्भमेला सकिँदैछ । यसअघि नेपालबाट कांग्रेस महामन्त्री गगन थापा, नेता अर्जुननरसिंह केसीलगायतका नेताहरू कुम्भ मेलामा सहभागी भई गंगामा स्नान गरेर फर्किसकेका छन् ।
तपाईको प्रतिक्रिया दिनुहोस