काभ्रेको बनेपा नगरपालिका-६ गोसाइँस्थानमा लुटपाटको आरोपमा तीन जनालाई पक्राउ गरिएको छ। 

धुलिखेल अस्पतालमा ‘इन्टर्नसीप’ गर्दै आएका इटाली र जर्मनीका नागरिकका सामान लुट्ने आरोपमा उनीहरूलाई पक्राउ गरिएको हो। 

जिल्ला प्रहरी कार्यालयका अनुसार चक्कु देखाएर लुटपाट गर्ने नवलपरासीका हरि चौधरी, रामेछापका सन्देश जैरु, र पनौतीका उज्ज्वल दाहाललाई लुटिएका सामानसहित गएराति पक्राउ गरिएको हो। 

विदेशी नागरिक लुटिएको खबर प्राप्त हुनेबित्तिकै बनेपास्थित इलाका प्रहरी कार्यालयबाट परिचालन गरिएको प्रहरी टोलीले उनीहरूलाई नियन्त्रणमा लिएर अनुसन्धान सुरु गरेको छ।