नेकपा (एकीकृत समाजवादी) भित्रको झलनाथ–घनश्याम समूहका नेताहरूको बैठक नयाँ बानेश्वरस्थित बानेश्वर क्याम्पसमा सुरु भएको छ।

बैठकमा स्थायी कमिटी सदस्य हरि पराजुली, पोलिटब्यूरो सदस्य लक्ष्मण लम्साल र नरेशकुमार शाही, केन्द्रीय सदस्य सुशील भट्टराई र मनाकुमारी साउदलगायत नेताहरू सहभागी छन्।

पार्टीको आगामी केन्द्रीय कमिटी, स्थायी कमिटी लगायतका बैठकहरूको एजेन्डा तय गर्न छलफल भइरहेको बताइएको छ। सहभागी नेताहरूले यो बैठकलाई अनौपचारिक भनेका छन्।

पछिल्लो समय अध्यक्ष माधवकुमार नेपाल र सम्मानित नेता झलनाथ खनालबीच असमझदारी बढ्दै गएको छ। हालै उनीहरू सार्वजनिक रूपमा एक अर्काका अभिव्यक्तिको खण्डन गर्दै आएका छन्।