अवैध भारतीय रुपैयाँसहित कैलालीमा १८ वर्षीय भारतीय किशोर पक्राउ
२०८३ भाद्र १८, बिहीबार १९:१४ मा प्रकाशित
कैलालीको धनगढीबाट स्रोत नखुलेको पाँच लाख भारतीय रूपैयाँसहित एक भारतीय किशोर पक्राउ परेका छन्।
जिल्ला प्रहरी कार्यालय कैलालीबाट खटिएको प्रहरी टोलीले बुधबार राति धनगढी उपमहानगरपालिका-४ स्थित नवजीवन अस्पतालअगाडि सडकबाट भारतको पञ्जाब राज्य बस्ने १८ वर्षीय किशोरलाई उक्त नगद सहित नियन्त्रणमा लिएको हो।
नेपाल-भारत सीमा क्षेत्रमा हुनसक्ने अवैध वित्तीय कारोबार तथा हुण्डी ओसारपसारको आशङ्कामा प्रहरीले उनलाई पक्राउ गरेको छ। प्रहरीले यस सम्बन्धमा आवश्यक अनुसन्धान गरिरहेको जनाएको छ।
तपाईको प्रतिक्रिया दिनुहोस