गोकर्णेश्वरमा ट्रकको ठक्करबाट दुई वर्षीया बालिकाको मृत्यु
२०८२ श्रावण ९, शुक्रबार ०८:३२ मा प्रकाशित
काठमाडौंको गोकर्णेश्वरमा ट्रकको ठक्करबाट दुई वर्षीया बालिकाको मृत्यु भएको छ।
दुर्घटना बिहीबार दिउँसो पौने ४ बजे गोकर्णेश्वर नगरपालिका–४, नाम्गेल कोलमती मार्गस्थित भित्री सडकमा भएको काठमाडौं उपत्यका ट्राफिक प्रहरी कार्यालयका एसपी दीपक गिरीले जानकारी दिएका छन् ।
उनका अनुसार सडकतर्फ ब्याक गर्दै गरेको बा ३ ख ४३४५ नम्बरको ट्रकले बालिकालाई ठक्कर दिएको हो।
मृतक बालिका गोकर्णेश्वर–२ बस्ने २३ वर्षीया फुर्बु लामा शेर्पाकी छोरी हुन् । घटना घर अगाडि खेलिरहेको बेला भएको प्रहरीले जनाएको छ।
दुर्घटनापछि ट्रक चालक ३६ वर्षीय हरिबहादुर श्रेष्ठलाई प्रहरीले नियन्त्रणमा लिएको छ। उनी भक्तपुरको कमलविनायक निवासी हुन्।
तपाईको प्रतिक्रिया दिनुहोस