बाँकेको राप्तीसोनारी गाउँपालिका–६ डाँडाटपरीस्थित सडकमा हायस गाडीको ठक्करबाट एक बालकको मृत्यु भएको छ।

भे.१ ज १५०५ नम्बरको हायसले ठक्कर दिँदा सोही स्थानका जयपती रानाका अन्दाजी ६ वर्षीय छोरा सगुन राना गम्भीर घाइते भएका थिए। उनको भेरी अस्पतालमा उपचारका क्रममा शुक्रबार दिउँसो मृत्यु भएको प्रहरीले जनाएको छ।

दुर्घटनापछि प्रहरीले हायस चालकलाई नियन्त्रणमा लिएको छ। घटनाबारे आवश्यक अनुसन्धान भइरहेको प्रहरीले जनाएको छ।