Techie IT
२०८३ मंसिर १, सोमबार

मौसममा फेरि बदलाव: देशका केही भूभागमा वर्षा र हिमपातको सम्भावना


पश्चिमी न्यूनचापीय प्रणालीको आंशिक प्रभावका कारण आज देशका केही भूभागमा वर्षा र हिमपातको सम्भावना रहेको मौसम पूर्वानुमान महाशाखाले जनाएको छ।

जल तथा मौसम विज्ञान विभागका अनुसार आज दिउँसो कोसी प्रदेशसहित वाग्मती र गण्डकी प्रदेशका हिमाली तथा पहाडी भूभागमा आंशिक बदली रहनेछ भने बाँकी भूभागमा मौसम मुख्यतया सफा रहनेछ। विशेष गरी कोसी प्रदेशका हिमाली तथा पहाडी भूभाग र वाग्मती तथा गण्डकी प्रदेशको हिमाली क्षेत्रका एक–दुई स्थानमा हल्का वर्षा र हिमपातको सम्भावना छ।

त्यस्तै, आज राति कोसी, वाग्मती, गण्डकी र लुम्बिनी प्रदेशको हिमाली तथा पहाडी भूभागमा आंशिक बादSल लाग्नेछ भने अन्य भूभागको मौसम सफा रहनेछ। राति पनि कोसी र गण्डकी प्रदेशका हिमाली भूभागका थोरै स्थानमा हल्का वर्षा र हिमपातको क्रम जारी रहन सक्ने विभागले जानकारी दिएको छ।

मौसम पूर्वानुमान महाशाखाका अनुसार आगामी केही दिन तराईका भूभाग, उपत्यका तथा नदी किनारका खोँचहरूमा बिहानपख हुस्सु र कुहिरो लाग्ने सम्भावना रहेको छ। यसबाट दैनिक जनजीवन, यातायात तथा उडान सेवामा सामान्य असर पर्न सक्ने भएकाले आवश्यक सतर्कता अपनाउन विभागले अनुरोध गरेको छ।



तपाईको प्रतिक्रिया दिनुहोस



सम्बन्धित खवर

Techie IT
प्रीतिबाट युनिकोड

© Preeti to Unicode
रोमनाइज्ड नेपाली

© Nepali Unicode
ताजा अपडेट