गैरआवासीय नेपाली संघ (एनआरएनए) अष्ट्रेलियाको आगामी कार्यसमितिका लागि अमर पौडेलले न्यू साउथ वेल्स स्टेटबाट एनसिसी पदमा उम्मेदवारी दर्ता गराएका छन् । सन्जीव गोर्खाली ढकालको प्यानलबाट उम्मेदवारी दिएका अमर २६ जुलाईमा हुने निर्वाचनका लागि प्रतिस्पर्धामा छन्।

सन् २०१६ मा विद्यार्थी भिषामा अष्ट्रेलिया पुगेका अमरले आईओई इन्जिनियरिङबाट स्नातक र अष्ट्रेलियाबाट सूचना प्रविधिमा स्नातकोत्तर गरेका छन्। उनले शिक्षा, आप्रवासन, ट्राभल, होस्पिटालिटी, रियल स्टेट र आईटी ट्रेनिङ इन्स्टिच्युटजस्ता विभिन्न क्षेत्रका व्यवसायहरू अष्ट्रेलियाका विभिन्न राज्यहरूमा मात्र नभई विदेशसम्म विस्तार गरेका छन् ।

विद्यार्थी जीवनदेखि नै नेपाली समुदायप्रति सहयोगी भूमिका निभाउँदै आएका अमर नेपाली समाजमा लोकप्रिय, सहयोगी र मनकारी युवाका रूपमा परिचित छन् । 

विदेशमा रहेका नेपालीलाई बसोबास, खानपान र आर्थिक सहायतामा सहजीकरण गर्नुका साथै नयाँ विद्यार्थीहरूलाई साथ–सहयोग, काउन्सिलिङ, र व्यवसायिक क्षेत्रमा अघि बढ्न सेमिनारमार्फत प्रेरणा दिनु अमरको प्रतिबद्धता रहेको छ ।