चर्चित इ–पासपोर्ट खरिद अनियमितता प्रकरणमा विशेष अदालतले जर्मन कम्पनीका प्रतिनिधि लाई साधारण तारेखमा राखेर मुद्दाको पुर्पक्ष गर्न आदेश दिएको छ।

बिहीबार विशेष अदालतका न्यायाधीशद्वय वासुदेव आचार्य र डिल्लीरत्न श्रेष्ठको संयुक्त इजलासले जर्मन कम्पनी म्युहलबाउर आईडी सर्भिस (Muehlbauer ID Services) का प्रतिनिधिलाई थुनामा नराखी साधारण तारेखमा छाड्ने आदेश दिएको हो। अदालतको यो आदेशसँगै उनी अब मुद्दाको बाँकी प्रक्रिया बाहिरै बसेर लड्नेछन्।