पूर्वगृहमन्त्री तथा राष्ट्रिय स्वतन्त्र पार्टीका सभापति रवि लामिछानेलाई गैरकानुनी रूपमा थुनामा राखिएको दाबी गर्दै दायर गरिएको बन्दीप्रत्यक्षीकरण (हाबीएस् कर्पस) निवेदनमाथि आज बिहीबार सर्वोच्च अदालतमा सुनुवाइ हुँदैछ ।

सर्वोच्च अदालतले मंगलबारदेखि निवेदनमाथि प्रारम्भिक सुनुवाइ थालेको थियो । तर बुधबार संवैधानिक इजलासको बैठक परेको कारण बन्दीप्रत्यक्षीकरणसम्बन्धी मुद्दा पेशीमा आउन सकेन । आज न्यायाधीश डा. नहकुल सुवेदी र न्यायाधीश बालकृष्ण ढकालको संयुक्त इजलासले सुनुवाइलाई निरन्तरता दिनेछ ।

उक्त निवेदन लामिछानेकी पत्नी निकिता पौडेलले दायर गरेकी हुन् । निवेदनमा लामिछानेलाई गैरकानुनी रुपमा पक्राउ गरी थुनामा राखिएको उल्लेख गर्दै तत्काल रिहाइको माग गरिएको छ ।