बझाङको केदारस्युँ गाउँपालिकाले आर्थिक वर्ष २०८२/८३ को वित्तीय प्रगति विवरण सार्वजनिक गरेको छ। गाउँपालिकाले समीक्षा अवधिमा विनियोजित कुल बजेटको ९०.०८ प्रतिशत रकम खर्च गर्न सफल भएको हो।

गाउँपालिकाका प्रमुख प्रशासकीय अधिकृत केशवराज भट्टका अनुसार पालिकाले चालु तथा पुँजीगत दुवैतर्फ उत्साहजनक रूपमा बजेट कार्यान्वयन गरेको छ। चालुतर्फ कुल विनियोजित बजेटको ९०.१३ प्रतिशत र पुँजीगततर्फ ८९.९३ प्रतिशत बजेट खर्च भएको छ।  स्थानीय तहहरूमा बजेट फ्रिज हुने समस्या देखिरहेका बेला केदारस्युँको यो वित्तीय प्रगतिलाई सकारात्मक रूपमा लिइएको छ।