असार २७ गते बझाङ जिल्लाको केदारस्यूँ गाउँपालिका–७, सुङ्गरे क्षेत्रमा बोलेरो जिप दुर्घटनाहुदाँ ३ जनाको  निधन भएको थियो भने ७ जना घाइते भएका थिए । दुर्घटना बझाङको विकट ठाउँमा भएको थियो । त्यो दिन पानी सँगै बाक्लो बादलले गर्दा सदरमुकामबाट घटनास्थलसम्म नेपाली सेनाको हेलिकप्टरले दुईचक्कर लगाउदा पनि हेलिकप्टर ल्यान्ड नहुदाँ घाइतेको हवाई उद्दार हुन सकेन । बेलुका करिब ३-४ बजेतिर दुर्घटना भएता पनि सडकबाट एम्बुलेन्सले उद्धारगरेर जिल्ला अस्पताल बझाङमा पुर्‍याउदा सम्म २८ गतेको विहानको २ बजेको थियो ।

शुरुमा जिल्ला प्रशासन कार्यालयबाट हेलिकप्टरका लागि माग गर्दापनि हेलिकप्टर उडेन किनकी हेलिकप्टरको खर्च कस्ले दिने भन्ने एकिन हुन नसक्दा आर्मिले हेलिकप्टर उडाएन । पछि स्थानिय पालिकाहरु दुर्गाथली गाउँपालिका र केदारस्युँ गाउँपालिकाले आधिकारिक चिठ्ठी पठाएर हेलिकप्टरको खर्च ब्यहोर्ने भनेपछि मात्र हेलिकप्टर बझाङ पुगेको थियो । 

अर्को दिन जिल्ला सदरमुकाम चैनपुरबाट गम्भिर घाइतेहरुलाई नेपालगंज र काठमाण्डौमा हेलिकप्टरबाट पुर्‍याइयो । जिल्लाका सिडियोको र दुर्गाथली गाउँपालिका अनि केदारस्युँ गाउँपालिकाका अध्यक्ष र उपाध्यक्षको अहोरात्र खटनपटनले गम्भिर घाइतेहरुले समयमै अस्पतालमा उपचार पाए । दोस्रोदिन नै सिडियोको अध्यक्ष्यतामा जिल्ला विपद समितिको बैठक बसि जिल्लाका बार्हैवटा स्थानियतहले दुइलाख पचासहजार जिप दुर्घटनाका घाइतेहरुको उपचार र हेलिकप्टरको खर्चको लागि सहयोग गर्ने भन्ने निर्णय गरेको थियो ।

दुर्गाथली गाउँपालिकाका अध्यक्ष र उपाध्यक्ष घापतेहरुको अवस्था बुझ्न नेपालगंज र काठमाण्डौ सम्म पुगे । पालिकाबाट सक्दो राहत दिने घाइतेहरुलाई अस्पतालमै भेटेर प्रतिबद्धाता पनि जनाएका छन् । तर, त्यती ठूलो दुर्घटनामा संघिय सरकार भने अनभिज्ञ मात्र छैन विपद सम्बन्धी घटनाहरुहेर्ने गृहमन्त्री लाई भेट्न पालिका अध्यक्ष र उपाध्यक्षहरुले १५ दिन काठमाण्डौं बस्दापनि गृहमन्त्रीले समय दिएनन् । गृहमन्त्रालयको जिम्मेवारी सम्हालेका सुधन गुरुङको सचिवालय सम्मले फोन कलमा रेस्पोन्स नगरेको पालिका अध्यक्ष र उपाध्यक्षको गुनासो छ ।

विशेष त हेलिकप्टर उडान गर्दा लागेको ३१ लाख खर्च र घाइतेहरुको उपचार खर्च संघिय सरकारले बेहोरिदियोस भन्ने प्रमुख माग रहेको दुर्गाथली गाउँपालिकाका अध्यक्ष दिल बहादुर थापाले बताएका छन् । 

दुइजना गम्भिर घाइतेहरुको काठमाण्डौंको ट्रमा सेन्टरमा उपचार भैरहेको छ । उनिहरुको उपचारमा अझै केहि समय लम्बिन सक्ने डाक्टरहरुले सल्लाह दिएका छन् । नयाँ शैलीमा शासन गर्ने गरि तडकभडकका साथ आएको रास्वपा सरकार र गृहमन्त्रीको वेवास्ताले विकटका जनताहरुको पिडामाथि पिडा थपिरहेको छ । 

घाइतेहरुको उपचारखर्च हाल सम्म दुर्गाथली गाउँपालिका र स्थानियहरुको चन्दा सहयोगबाट भैरहेको छ । ट्रमा सेन्टरमा उपचार भइरहेका गम्भिर घाइतेहरुको केहि महिनासम्म अस्पतालमा राखेरै उपचार गर्नुपर्ने भएकाले आर्थिक अभाव थेग्न नसकिने अवस्थामा पुग्ने भएको छ ।

आज दुर्गाथलीका अध्यक्ष दिल बहादुर थापा र उपाध्यक्ष जनक बहादुर दौल्यालले गृहसचिवलाई भेटेर आफ्नो माग पत्र पेश त गरेका छन् । तर, गृहमन्त्रीले फाईल क्याबिनेटमा लिएपछि मात्र राहत पाइने भएकाले गृहमन्त्रीले विषयको गाम्भिर्यतालाई मनन नगरी समय नमिलाउदा पालिकाका अध्यक्ष र उपाध्यक्षलाई निरास बनाएको छ । आज गृह सचिवलाई भेटिसकेपछि पालिका अध्यक्ष थापाले जनताको दुखको बेला गम्भिर विषय लिएर १५ दिनसम्म कुर्दापनि समय दिन नसकेको प्रति गृहमन्त्रीप्रति असन्तुष्टि ब्यक्त गरेका छन् ।