अहिले शेयर बजार  बुलिश ट्रेण्डमा छ, जसले गर्दा अधिकांश लगानीकर्ताहरू नाफामा छन् । यसले लगानीकर्ता मात्र हैन सरकारलाई पनि फाइदा पुर्याएको छ । गत साउन महिनामा मात्रै सरकारले पूँजीगत लाभकरबाट ४ अर्ब २२ करोड ७८ लाख रुपैयाँ संकलन गरेको छ, जुन गत वर्षभरि संकलन भएको करको ७६.८६ प्रतिशत हो ।

दोस्रो बजारमा सूचक र कारोबार रकम बढ्दै जाँदा पूँजीगत लाभकर संकलनमा उल्लेख्य वृद्धि भएको छ । साउन महिनामा कुल ३० खर्ब ७८ अर्ब रुपैयाँको कारोबार भयो ।  महिना दिनमा यति धेरै कारोवार भएको इतिहासमा पहिलो पटक हो । श्रावण महिनाको  दैनिक औसत कारोबार रकम २१ अर्ब ९८ करोड रुपैयाँ भएको थियो । 

सूचक र शेयर मूल्य बढ्दा लगानीकर्ताले धेरै मुनाफा गरे, जसले पूँजीगत लाभकर संकलनमा रेकर्ड बनाएको हो । वर्तमान सरकारले नीतिगत सुधार र प्रोत्साहन तथा ब्याज दर कम हुँदा लगानीकर्ताहरू शेयर बजारमा लगानी गर्न प्रोत्साहित भएका छन्  । लगानीकर्ताहरुको बजारमा विश्वास बढाएको देखिन्छ ।