अमेरिकी उपराष्ट्रपति कमला ह्यारिसले आगामी राष्ट्रपतीय चुनावको प्रचारको क्रममा सम्पूर्ण अमेरिकी जनताको चाहना पूरा गर्न सक्ने राष्ट्रपतिको भूमिका निर्वाह गर्ने आफ्नो इच्छा व्यक्त गरेकि छन्।

जर्जियामा प्रचारको लागि जाने क्रममा आयोजित पत्रकार सम्मेलनमा ह्यारिसले लोकतान्त्रिक भविष्यप्रति चिन्ता व्यक्त गर्ने सबैलाई समान दृष्टिकोणबाट हेर्ने बताइन्। उनले जनताले सामना गरिरहेका समस्याको समाधान गर्न सक्षम नेतृत्व आवश्यक रहेको र आफ्नो प्रतिद्वन्द्वी डोनाल्ड ट्रम्पले जनताको मौलिक स्वतन्त्रतालाई खतरामा पारेको आरोप पनि लगाइन्।

महिला र पुरुष दुवै समूहले लोकतन्त्रको भविष्यको चिन्ता गरिरहेको कुरामा पनि उनले जोड दिइन् र आफू अमेरिकाको सबै नागरिकको राष्ट्रपति बन्न चाहेको बताइन्। 

उनले सीमा सुरक्षालाई आफ्नो प्रमुख प्राथमिकतामा राखेको पनि उल्लेख गरिन्।

आगामी चुनावको प्रचारको क्रममा ह्यारिसले पूर्व राष्ट्रपति बराक ओबामा र पूर्व प्रथम महिला मिशेल ओबामाको समर्थनलाई पनि उपयोग गर्ने योजना रहेको छ। आगामी कार्यक्रमहरूमा ह्यारिसले ओबामा दम्पतीसँगै प्रचारमा सहभागी हुने अपेक्षा गरिएको छ, जसले उनलाई थप समर्थन दिलाउने अनुमान छ।