ग्रामथान उपनिर्वाचन: माओवादी उम्मेदवार नमो नारायण माझीको अग्रता, अबिर जात्राले चुनावी माहोल तात्यो
२०८१ मंसिर १७, सोमबार ०८:१० मा प्रकाशित
मोरङको ग्रामथान गाउँपालिकाको अध्यक्ष पदका लागि भएको उपनिर्वाचनमा मतगणना जारी छ। पछिल्लो नतिजाअनुसार, नेकपा माओवादी केन्द्रका उम्मेदवार नमो नारायण माझी ५ हजार ६०७ मतसहित अग्रस्थानमा छन्।
उनको जित नजिकिँदै जाँदा माओवादी कार्यकर्ताहरूले अबिर जात्रा सुरु गरेका छन्। कांग्रेसका बलराम सरदार थारु ४ हजार १६७ मतसहित दोस्रो स्थानमा छन् भने नेकपा एमालेका तुलसी राम विश्वास २ हजार ७४१ मतसहित तेस्रो स्थानमा रहेका छन्।
उपनिर्वाचनको यो प्रतिस्पर्धाले ग्रामथानमा उत्साहपूर्ण वातावरण सिर्जना गरेको छ।
तपाईको प्रतिक्रिया दिनुहोस