नेपाल प्रिमियर लिग (एनपीएल) अन्तर्गत कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी खेलमा विराटनगर किंग्सले पोखरा एभेन्जर्सलाई १४० रनको लक्ष्य दिएको छ।

टस जितेर पहिले ब्याटिङ गरेको विराटनगरले निर्धारित २० ओभरमा ७ विकेट गुमाउँदै १३९ रनको योगफल खडा गर्‍यो। विराटनगरका लागि स्कट एडवार्ड्सले उत्कृष्ट प्रदर्शन गर्दै ३५ बलमा ५ चौकाको मद्दतले ४५ रन बनाए। लोकेश बामले २६, निकोलस कितर्नले १९ र बसिर अहमदले अविजित २१ रनको योगदान दिए।

पोखरा एभेन्जर्सका बलरहरूमध्ये सागर ढकाल र रेमन रेफरले समान दुई-दुई विकेट लिए। कुशल भूर्तेल र दिनेश खरेलले एक-एक विकेट झारेका थिए ।