नेकपा एमालेका अध्यक्ष तथा प्रधानमन्त्री केपी शर्मा ओलीले माओवादी केन्द्रका अध्यक्ष पुष्पकमल दाहाल 'प्रचण्ड'को पछिल्लो राजनीतिक गतिविधिलाई लिएर गम्भीर आरोप लगाएका छन्। मंगलबार पार्टीको पोलिटब्यूरो बैठकमा बोल्दै ओलीले प्रचण्ड सत्ताबाट बाहिरिएपछि असन्तुष्टि फैलाउने र देशको शान्ति सुरक्षामा खलल पुर्‍याउने काममा लागेको आरोप लगाए।

ओलीले प्रचण्डले प्रतिनिधिसभा बैठकमा गरेको सम्बोधनलाई अराजकता फैलाउने प्रयासको रूपमा लिएका छन्। उनले बंगलादेश र श्रीलंकाको उदाहरण दिँदै गरेको सम्बोधन जिम्मेवार नेताको भूमिकाबाट बाहिर रहेको बताए। साथै, १२ भदौमा भएको गौरा पर्वको कार्यक्रममा भएको नाराबाजीलाई पनि प्रचण्डसँग जोडेर हेरेका छन्।
विश्लेषकहरूले ओलीको आरोपलाई राजनीतिक प्रतिस्पर्धाको एउटा अंगको रूपमा लिएका छन् भने केहीले प्रचण्डको गतिविधिले देशको राजनीतिक स्थिरतालाई असर पार्न सक्ने बताएका छन्।