काठमाडौं, ६ पुस – विभिन्न स्थानहरूमा शुक्रबार र शनिबार पाँच व्यक्तिहरू मृत अवस्थामा फेला परेका छन्।
दोलखा, कालिन्चोक गाउँपालिका-६ ओढार बस्ने ८३ वर्षीया पन्चु थामी शुक्रवार भुत दहस्थित ढुङ्गाको ओढारमा मृत अवस्थामा फेला परेकी छन्।
सिन्धुपाल्चोक, चौतारा साँगाचोक गढी नगरपालिका-५ कैदिधारा बस्ने ३३ वर्षीय दिनेश बानिया आफ्नै घरमा मृत अवस्थामा फेला परेका छन्।
दाङ, तुलसीपुर उपमहानगरपालिका-५ हिमालटोल बस्ने ६० वर्षीय डम्बर वली पनि आफ्नै घरमा मृत अवस्थामा फेला परेका छन्।
सुनसरी, धरान उपमहानगरपालिका-६ पानवारीस्थित जनजागरण टोल बस्ने ४२ वर्षीय नेत्र बहादुर मगर शनिबार आफ्नै घर अगाडि कुलोमा मृत अवस्थामा फेला परेका छन्।
झापा, शिवशताक्षी नगरपालिका-१० स्थित कन्काई खोलाको पानीमा अन्दाजी ६० वर्षीया एक महिला शनिबार मृत अवस्थामा फेला परेकी छन्।
यस घटनासम्बन्धी अनुसन्धान जारी रहेको प्रहरीले जनाएको छ।
तपाईको प्रतिक्रिया दिनुहोस