काठमाडौं । प्रमुख प्रतिपक्षी नेकपा (माओवादी केन्द्र)को संसदीय दलको बैठक आह्वान गरिएको छ ।
बैठक सिंहदरबारस्थित पार्टी संसदीय दलको कार्यालयमा आह्वान गरिएको प्रवक्ता अग्निप्रसाद सापकोटाले जानकारी दिए ।
उनका अनुसार भोलि (शुक्रबार) देखि सुरु हुने संसद्को हिउँदे अधिवेशनमा माओवादी सांसदहरू संसद्मा कसरी प्रस्तुत हुने भन्नेबारे छलफल हुनेछ ।
यसका साथै माओवादी केन्द्रले सरकारले ल्याएको अध्यादेश र विधेयक अस्वीकार र विरोध गर्ने बताएको छ । यसबारेमा पनि माओवादीले सघन छलफल गर्ने सापकोटाले बताए ।
माओवादी केन्द्रको संसदीय दलको बैठक आज दिउँसो १ बजे बस्नेछ ।
कांग्रेस–एमाले नेतृत्वको गठबन्धन सरकारले ६ वटा अध्यादेश र ३२ वटा विधेयक ल्याएको छ ।
तपाईको प्रतिक्रिया दिनुहोस