काठमाडौं । पूर्वप्रधानमन्त्री डा.बाबुराम भट्टराई नेतृत्वको नेपाल समाजवादी पार्टी (नेसपा)को महाधिवेशन सुरु भएको छ । 

आज (आइतबार) बिहानदेखि काठमाडौंको कमलादीस्थित नेपाल प्रज्ञा प्रतिष्ठानको भवनमा प्रथम अधिवेशन सुरु भएको हो । 

अधिवेशनमा पुराना दललाई निम्ता दिइएको छैन भने नयाँ दललाई निम्ता दिइएको छ । 

नेपाली कांग्रेस, नेकपा (एमले), माओवादी केन्द्र, राष्ट्रिय प्रजातन्त्र पार्टी (राप्रपा) लगायतका पुराना दललाई भट्टराईले निम्ता दिएका छैनन् ।

उनले पुराना दललाई निम्ता नदिएपछि ती दलका कुनै पनि नेता अधिवेशनमा उपस्थित भएका छैनन् ।

नयाँ दल राष्ट्रिय स्वतन्त्र पार्टी (रास्वपा), नागरिक उन्मुक्ति पार्टी, जनमत पार्टी लगायतलाई निम्ता दिइएको छ । 

ती दलका शीर्ष नेतालाई भट्टराईले फ्रन्ट आसनमा आफ्नो दायाँ–बाँया राखेका छन् ।