देशका विभिन्न स्थानमा मंगलबार र बुधबार भएका छुट्टाछुट्टै घटनामा ६ जना मृत अवस्थामा फेला परेका छन्।

 मंगलबार फेला परेका शवहरू:

सुनसरी, धरान:

धरान उपमहानगरपालिका-६ सुनौलो बस्तीका ४२ वर्षीय रोशन विश्वकर्मा आफ्नै घरमा मृत अवस्थामा फेला परे ।
गोरखा, अजिरकोट:

अजिरकोट गाउँपालिका-४, थरथरे भिर पाखामा सोही गाउँपालिका-२, खरिबोट सिरानडाँडाका ८० वर्षीय छेङि लामा मृत अवस्थामा फेला परे ।
इलाम, माङसेबुङ:

माङसेबुङ गाउँपालिका-३ फुलुङगेस्थित माईखोलामा सोही गाउँपालिका-२ पावाका ७१ वर्षीय लालमान राईको शव फेला पर्यो ।

झापा, कमल गाउँपालिका:

कमल गाउँपालिका-४, चुलाचुलि मोडस्थित नालाको डिलमा सोही गाउँपालिका-३ बस्ने ३६ वर्षीय अर्जुन लिम्बु मृत अवस्थामा भेटिए ।

 बुधबार फेला परेका शवहरू:

सुर्खेत, वीरेन्द्रनगर:वीरेन्द्रनगर नगरपालिका-१० का ४७ वर्षीय दिनेश कुमार पुरी आफ्नै घरमा मृत अवस्थामा फेला परे ।
धनकुटा, साँगुरीगढी:

साँगुरीगढी गाउँपालिका-६ मालबाँसेस्थित जंगलको घोर्ले भिरमा सुनसरी, धरान उपमहानगरपालिका-१२ चतारा लाइनकी ५७ वर्षीया सन्च माया तामाङ मृत अवस्थामा फेला परिन् ।

संबन्धित घटनाहरूको कारण खुल्न बाँकी रहेको र प्रहरीले अनुसन्धान जारी राखेको जनाएको छ ।