जेनजी आन्दोलनका क्रममा नेपाली सेनाले नियन्त्रणमा लिएका निवर्तमान मन्त्रीहरूलाई क्रमशः मुक्त गर्न थालिएको छ।

उक्त आन्दोलनको चर्को समयमा तत्कालीन प्रधानमन्त्री केपी शर्मा ओलीसहित मन्त्रीहरू र विभिन्न दलका शीर्ष नेताहरूलाई सेनाले ‘सुरक्षाका निम्ति’ भन्दै नियन्त्रणमा लिएको थियो । उनीहरूलाई विभिन्न सैन्य गणमा राखिएको थियो।

भैरवनाथ गणमा रहेका निवर्तमान मन्त्रीहरूलाई आज सेनाले छोडेको स्रोतले जनाएको छ। सेनाले नियन्त्रणमा रहेकाहरूलाई मोबाइल फोन प्रयोग गर्न समेत रोक लगाएको थियो । तर सुशीला कार्कीले प्रधानमन्त्री पदको शपथ लिएपछि उनीहरूलाई मोबाइल चलाउन अनुमति दिइएको थियो।

आजदेखि भने घर फर्कन दिइएको निवर्तमान एक मन्त्रीले जानकारी दिएका छन्।