नेकपा (एकीकृत समाजवादी) की नेतृ रामकुमारी झाँक्रीले व्यक्तिको संकट टार्नका लागि गरिएको एकता अन्ततः विभाजनमा पुग्न सक्ने टिप्पणी गरेकी छन्।

सामाजिक सञ्जालमार्फत उनले, “व्यक्तिको आवश्यकता र संकट टार्न भएको एकता अनेकतामा विभाजित हुन सक्छ। इतिहासको वास्तविकता यही हो। मान्छे थपेर बहुमत बनाउन सकिए पनि त्यस्तो बहुमतले सबैको भावना बोकेको हुँदैन” भनेकी छन् । 

नेकपा (एकीकृत समाजवादी) र नेकपा (माओवादी केन्द्र)बीच एकताको तयारी भइरहेको बेला नेतृ झाँक्रीको उक्त अभिव्यक्तिलाई पछिल्ला राजनीतिक घटनासँग जोडेर हेरिएको छ।