नेपाली कांग्रेस संसदीय दलको बैठक आज बस्दैछ। बैठक बिहान साढे ११ बजे सिंहदरबारस्थित दलको कार्यालयमा बस्ने जनाइएको छ।
बैठकमा प्रतिनिधिसभा र राष्ट्रियसभामा प्रतिनिधित्व गर्ने पार्टीका सबै सांसदलाई अनिवार्य उपस्थित हुन निर्देशन दिइएको छ। बैठकमा समसामयिक राजनीतिक अवस्था, संसदमा पार्टीको आगामी रणनीति तथा सरकारको नीति–कार्यक्रम र बजेटबारे छलफल हुने तयारी गरिएको छ।
सरकारले भोलि आगामी आर्थिक वर्ष २०८३–८४ को बजेट सार्वजनिक गर्ने तयारी गरिरहेकाले त्यसअघि कांग्रेसले आफ्नो धारणा र रणनीति तय गर्न लागेको बताइएको छ।
तपाईको प्रतिक्रिया दिनुहोस