जेनजी आन्दोलनका क्रममा मृत्यु हुनेको संख्या ५१ पुगेको छ। नेपाल प्रहरीका केन्द्रीय प्रवक्ता तथा डीआईजी विनोद घिमिरेका अनुसार मृतकमध्ये काठमाडौं उपत्यकासहित विभिन्न जिल्लाका व्यक्तिहरू रहेका छन्।

प्रहरीका अनुसार मृतकमध्ये ३ जना प्रहरी र एक भारतीय महिला पनि छन्। पहिलो दिनको प्रदर्शनमै २१ जनाको ज्यान गएको थियो। त्यसमा ९ जना कैदी, बाल सुधार गृहका ५ बालक, ३ प्रहरी र अन्य जलेको अवस्थामा भेटिएका व्यक्तिहरू समावेश थिए।

डीआईजी घिमिरेले मृत्युको संख्या अझै बढ्न सक्ने जनाउँदै विस्तृत विवरण संकलन भइरहेको जानकारी दिएका छन्।