हाल सामाजिक सञ्जालमा चर्चाको केन्द्रमा रहेका अमनप्रताप अधिकारीलाई लिएर तीव्र विवाद उत्पन्न भएको छ। उनी विभिन्न टेलिभिजन कार्यक्रममार्फत चर्चित बनेका तथाकथित ‘सेलेब्रिटी’का रूपमा परिचित छन्। जेनजी आन्दोलनको बेला भाद्र २४ गते अमन प्रताप संसद भवन जलाउन जेनजीहरुलाई उक्साईरहेको भिडियो अहिले भाईरल बनेको छ । उनले हेर तेरो देश जल्यो मु.. भनेर गाली गरेका छन् । अहिले सामाजिक सञ्जालमा अमनको देश कुन हो र कुन देशका नागरिक भएर नेपाल जलाए भनेर तिब्र आलोचना भइरहेको छ । 

अमनप्रताप अधिकारी नेपालका चर्चित कवि, गीतकार तथा पूर्व सहायक मन्त्री क्षेत्रप्रताप अधिकारीका छोरा हुन्। क्षेत्रप्रताप अधिकारी २०४६ सालको जनआन्दोलनका बेला तत्कालीन व्यवस्थाप्रतिको कठोर नीतिका कारण मल्लिक आयोगद्वारा दोषी ठहर भएका थिए। उक्त आयोगले आन्दोलन दमनमा संलग्न ‘प्रतिकार समिति’ गठन र जनआन्दोलनमा हिंसा भड्काउने गतिविधिमा उनी संलग्न रहेको ठहर गरेको थियो।

त्यो समय दरबारको आशिर्वादले अधिकारी बचाइएका थिए। यिनै व्यक्तिका छोराका रूपमा अमनप्रताप अधिकारी अहिले ‘#NepoBaby’ को आरोपमा आलोचित बनेका छन्। सामाजिक सञ्जालमा धेरै प्रयोगकर्ताले उनले बाबुको राजनीतिक पृष्ठभूमि र सुविधाको उपयोग गर्दै सेलेब्रिटी बन्न सहज बाटो पाएको टिप्पणी गरेका छन्।

विगत केही दिनदेखि अमनप्रताप अधिकारीले सामाजिक मिडियामा प्रयोग गरेका अभद्र शब्द, व्यवहार र बयानबाजीका कारण उनीमाथि जनआक्रोश बढ्दै गएको छ। कतिपयले उनलाई ‘संस्कारहीन पुस्ताको प्रतिनिधि’ भन्दै सामाजिक बहिष्कारको माग समेत गरेका छन्।

यस विषयमा अमनप्रताप अधिकारीको तर्फबाट आधिकारिक प्रतिक्रिया भने सार्वजनिक भइसकेको छैन।