रूसले गर्यो युक्रेनको राजधानी किएभमा हवाई आक्रमण, ७ जना घाइते
रूसले शनिबार बिहान युक्रेनको राजधानी किएभमा गरेको हवाई आक्रमणमा ७ जना घाइते भएका छन्। मध्यरातपछि शहरभर ठूलो विस्फोटको आवाज सुनिएपछि हवाई प्रतिरक्षा प्रणाली सक्रिय गरिएको थियो।
किएभका सैनिक प्रशासनका प्रमुख तिमुर तकाचेन्कोका अनुसार राजधानी वरपर विपक्षीका उड्ने यन्त्र देखिएको र हवाई प्रतिरक्षा दलले ती लक्षित उपकरणहरूविरुद्ध सक्रिय प्रतिक्रिया जनाएको जानकारी दिएका छन्।
किएभका मेयर विताली क्लिच्कोले नागरिकलाई सुरक्षित स्थानमै बस्न आग्रह गर्दै आक्रमणका क्रममा ७ जना घाइते भएको पुष्टि गरेका छन्। घाइतेमध्ये ४ जनालाई अस्पताल लगिएको र १३ वर्षीय एक बालक पनि घाइते भएको उनले बताए।
आक्रमणका कारण शहरका केही आवासीय क्षेत्रमा रहेका घर तथा सवारी साधनमा क्षति पुगेको स्थानीय अधिकारीहरूले जनाएका छन्। यसअघि पनि रातको समयमा भएका यस्तै आक्रमणका कारण किएभका विभिन्न बस्तीमा आगलागी भएकाे थियो।
तपाईको प्रतिक्रिया दिनुहोस