कूटनीतिक प्रयासले काम गरेपछि अमेरिकी राष्ट्रपति डोनाल्ड ट्रम्पले क्यानडाबाट आयात हुने सामानहरूमा लगाउने भनिएको ५० प्रतिशत अतिरिक्त भन्सार महसुल (ट्यारिफ) कार्यान्वयनमा तीन दिनका लागि रोक लगाएका छन् । दुई देशबीच व्यापार सम्झौतालाई अन्तिम रूप दिने तयारी भइरहेका बेला यो निर्णय आएको हो ।

ट्यारिफ लागू हुनुभन्दा केही घण्टा अगाडि गरिएको यो घोषणाले अमेरिका र क्यानडाबीचको व्यापारिक तनाव केही समयका लागि मत्थर भएको सङ्केत देखाएको छ । दुई देशका नेताहरूबीच निरन्तरको फोन वार्तापछि सम्झौताका लागि महत्वपूर्ण प्रगति भएको बताइएको छ । सम्झौताले रोकिएका ऊर्जा परियोजनाहरूलाई समेत फेरि सञ्चालनमा ल्याउन सक्ने सम्भावना रहेको छ ।