जडिबुटीमा दुर्घटना : स्कुटर ठोक्किँदा दुई युवाको मृत्यु
२०८२ भाद्र १३, शुक्रबार ०८:१६ मा प्रकाशित
राजधानीको जडिबुटीमा आज बिहान भएको सडक दुर्घटनामा दुई युवाले ज्यान गुमाएका छन्।
बिहान करिब पौने तीन बजे आकासे पुल नजिक कोटेश्वरतर्फबाट जडिबुटीतर्फ आउँदै गरेको लु ४३ प ४९३८ नम्बरको स्कुटर सडक किनारमा रोकिएको बागमती प्रदेश ०१–००६ ख ४२४३ नम्बरको बसमा ठोक्किँदा दुर्घटना भएको हो।
दुर्घटनामा गम्भीर घाइते भएका २२ वर्षीय शिरिस पौडेल (पश्चिम नवलपरासी, सुनवल–१, हाल भक्तपुर लोकन्थली) र २३ वर्षीय नितेश नेपाल (काभ्रे, पाँचखाल–२ होक्से) लाई तत्काल राष्ट्रिय ट्रमा सेन्टर पुर्याइए पनि उपचारको क्रममा दुबैजनाको मृत्यु भएको प्रहरीले पुष्टि गरेको छ।
दुर्घटनापछि बस चालकलाई प्रहरी नियन्त्रणमा लिइएको छ भने घटनाबारे थप अनुसन्धान भइरहेको जनाइएको छ।
तपाईको प्रतिक्रिया दिनुहोस