देशभर भएका छुट्टाछुट्टै सवारी दुर्घटनामा आज चार जनाको मृत्यु भएको छ।
कञ्चनपुरको भीमदत्त नगरपालिका–५ मा अटो दुर्घटना हुँदा ९८ वर्षीया दुरपती देवी चन्दको उपचारका क्रममा मृत्यु भएको छ । सुर्खेतको बीरेन्द्रनगरमा मोटरसाइकल र स्कुटर ठोक्किँदा स्कुटर चालक ३४ वर्षीय बिरेन्द्र आचार्यको ज्यान गएको थियो ।
दाङको घोराहीमा भ्यानले ठक्कर दिँदा २६ वर्षीय मोटरसाइकल चालक केदार केसीको मृत्यु भएको प्रहरीले जनाएको छ । कपिलवस्तुमा इ–रिक्सा र मोटरसाइकल ठोक्किँदा ३५ वर्षीय रामकुमार चमारको मृत्यु भएको छ।
प्रहरीका अनुसार अन्य घाइतेहरुको विभिन्न अस्पतालमा उपचार भइरहेको छ भने सबै घटनाबारे अनुसन्धान अघि बढाइएको छ।
तपाईको प्रतिक्रिया दिनुहोस