दाङमा पिकअप भ्यानको ठक्करबाट मोटरसाइकल चालकको मृत्यु भएको छ। तुलसीपुर उपमहानगरपालिका–१७ बनकट्टीका २६ वर्षीय केदार केसीको घोराही–तुलसीपुर खण्डअन्तर्गत घोराही उपमहानगरपालिका - १० नारायणपुरको पशुपति बोर्डिङ स्कुल नजिक शुक्रबार पिकअप भ्यानले ठक्कर दिएको थियो।
घाइते भएका केसीको उपचारको क्रममा आज मृत्यु भएको जिल्ला प्रहरी कार्यालयले जनाएको छ।
ठक्कर दिने पिकअप भ्यानका चालकसहित सवारीलाई प्रहरीले नियन्त्रणमा लिएको छ। प्रहरी प्रवक्ता चक्रबहादुर शाहका अनुसार मृतकको शव राप्ती स्वास्थ्य विज्ञान प्रतिष्ठान घोराहीमा राखिएको छ। प्रहरीले आवश्यक अनुसन्धान अघि बढाइरहेको छ।
तपाईको प्रतिक्रिया दिनुहोस