काभ्रेको पनौती नगरपालिका-११ थुम्की गाउँमा अविरल वर्षाका कारण आएको पहिरोले बस्ती नै बगाउँदा ३ वटा घर पूर्ण रूपमा क्षतिग्रस्त भएको छ। स्थानीय अर्जुन भण्डारीको पाँच जनाको परिवार सम्पर्कविहीन छन् । दुई अन्य घरका व्यक्तिहरू सुरक्षित स्थानमा रहेका छन्। पहिरो प्रभावित ८ घरमा मानिसको बसोबास नभएको बताइएको छ।

उद्धारका लागि प्रहरी तथा जनप्रतिनिधिहरू मौसमको प्रतिकूलताका कारण घटनास्थल पुग्न असमर्थ छन्। पनौती-१२ मा पनि पहिरोले घर पुरिँदा २ जनाको उद्धार गरिएको छ। अविरल वर्षाका कारण बाढी तथा पहिरोबाट व्यापक क्षति भएको जानकारी आइरहे पनि ठोस विवरण आइनसकेको पनौती नगरपालिकाका उप–प्रमुख गीता बञ्जाराले बताइन्।