त्रिभुवन विश्वविद्यालय र आन्दोलनरत अखिल (क्रान्तिकारी)बीच ३४ दिन लामो आन्दोलनपछि आज सम्झौता भएको छ।

अखिल (क्रान्तिकारी) त्रिवि जिल्ला समितिले मानविकी तथा समाजशास्त्र संकायअन्तर्गतका चार केन्द्रीय विभागमा अध्ययन शुल्क एक्कासी बढाएर रु. १ लाख ८० हजार पुर्‍याइएको भन्दै आन्दोलन थालेको थियो। आन्दोलनमा अखिल (क्रान्तिकारी)का नेता तथा कार्यकर्ताहरुले रातदिन विश्वविद्यालयमा आन्दोल र आमरण अनसनमा बसेका थिए

आज त्रिवि प्रशासनसँग भएको वार्तापछि सम्झौता भएको हो। सम्झौता अनुसार अब विद्यार्थीहरूले अन्तर्राष्ट्रिय सम्बन्ध तथा कूटनीति, लैङ्गिक अध्ययन, सामाजिक कार्य तथा द्वन्द्व, शान्ति र विकास अध्ययन विषयलाई रु. १ लाख १० हजार शुल्कमा अध्ययन गर्न पाउनेछन्।

अखिल (क्रान्तिकारी)का नेता चेतराज जोशीले आन्दोलन सफल भएको दाबी गरेका छन्। घटाइएको नयाँ शुल्क अहिलेकै दोस्रो सेमेस्टरदेखि लागू हुने बताइएको छ।