कर्णाली स्वास्थ्य विज्ञान प्रतिष्ठान (जुम्ला) ले लामो समयदेखि रिक्त रहेका विभिन्न मुख्य पदाधिकारी पदहरूको पदपूर्तिको प्रक्रिया औपचारिक रूपमा अघि बढाएको छ। प्रतिष्ठान ऐन, २०६८ बमोजिम शिक्षाध्यक्ष, रजिस्ट्रार, डीन र निर्देशक पदहरूमा योग्य उम्मेदवारहरूबाट आवेदन माग गरिएको हो।

प्रतिष्ठानको कार्यकारी परिषद्बाट स्वीकृत "कर्णाली स्वास्थ्य विज्ञान प्रतिष्ठानका पदाधिकारीहरू (शिक्षाध्यक्ष, रजिष्ट्रार, डीन र निर्देशक) को छनोट तथा सिफारिस सम्बन्धी कार्यविधि, २०८३" अनुसार यो पदपूर्ति प्रक्रिया अघि बढाइएको प्रतिष्ठानले जनाएको छ।

संबंधित पदका लागि इच्छुक तथा योग्यता पुगेका उम्मेदवारहरूले सूचना प्रकाशित भएको मितिले ७ दिनभित्र अर्थात् भदौ ३ गते कार्यालय समयभित्र आफैँ उपस्थित भएर वा तोकिएको प्रक्रियामार्फत आवेदन पेस गर्नुपर्नेछ।