सुन्धारा स्थित केन्द्रीय कारागारबाट भागेका केशव प्रसाद दुलाल र सानु भण्डारीलाई प्रहरीले पक्राउ गरेको छ ।
नक्कली भुटानी शरणार्थी प्रकरणमा पुर्पक्षका लागि थुनामा रहेका उनीहरू भदौ २४ गते जेनजी प्रदर्शनको क्रममा कारागारबाट फरार भएका थिए ।
उपत्यका अपराध अनुसन्धान कार्यालयको टोलीले ललितपुरको धापाखेलबाट उनीहरूलाई पक्राउ गरी पुनः कारागारमा बुझाएको छ ।
यसैबीच, सोही प्रकरणमा संलग्न अर्का प्रतिवादी टोपबहादुर रायमाझी स्वेच्छाले कारागारमा उपस्थित भएका छन् । उनलाई डिल्लीबजार कारागारमा स्थानान्तरण गरिएको प्रहरीले जनाएको छ ।
.png)
तपाईको प्रतिक्रिया दिनुहोस