अवैध लागूऔषध सहित विभिन्न स्थानबाट १४ जना पक्राउ
२०८१ कार्तिक २, शुक्रबार १३:५२ मा प्रकाशित
काठमाडौं, २ कात्तिक – आज देशका विभिन्न स्थानहरूमा प्रहरीले अवैध लागूऔषधसहित १४ जनालाई पक्राउ गरेको छ।
सुनसरीको कोशी गाउँपालिका-१ बाट १.६५ ग्राम खैरो हेरोइनसहित रोहित मण्डल पक्राउ परेका छन् भने ईटहरीका अग्रदिप र नरेश चौधरीलाई ४.२७ ग्राम खैरो हेरोइनसहित नियन्त्रणमा लिइएको छ।
बाँकेको नेपालगंजबाट ९.८५ ग्राम ब्राउन सुगर र २० ट्याब्लेट नाइट्राजेपाम सहित राजा सैयाद पक्राउ परेका छन्।
धनकुटामा १८.५ ग्राम खैरो हेरोइनसहित दुई जनालाई पक्राउ गरिएको छ, भने झापामा २ ग्राम हेरोइनसहित रूपेन्द्र भण्डारी र नारायण बस्नेत पक्राउ परेका छन्। तनहुँ र धनुषाबाट नियन्त्रित औषधिसहित थप व्यक्तिहरू पक्राउ परेका छन्।
तपाईको प्रतिक्रिया दिनुहोस