काठमाडौँ महानगरपालिका–२६ गोङ्गबु मित्रनगरको सडकबाट प्रहरीले वन्यजन्तु रेड पाण्डाको छालासहित एक व्यक्तिलाई पक्राउ गरेको छ।
पक्राउ परेका ४५ वर्षीय तारा थापा बाग्लुङको वरेङ गाउँपालिका–३ का निवासी हुन् र काठमाडौँको स्वयम्भूमा बसोवास गर्दै आएका छन्। जिल्ला प्रहरी परिसर काठमाडौँका प्रवक्ता एवं प्रहरी उपरीक्षक नवराज अधिकारीले यसबारे जानकारी दिए।
 

उहाँले बताए, "प्रहरी वृत्त महाराजगञ्ज र प्रहरी प्रभाग गोङ्गबुबाट खटिएको टोलीले उनलाई दुईवटा रेड पाण्डाको छालासहित पक्राउ गरेको हो। यस सम्बन्धमा प्रहरीले आवश्यक अनुसन्धान गर्दैछ, जिल्ला प्रहरी परिसरले जनाएको छ।