नेपालका विभिन्न स्थानमा बुधबार चारजनाको शव फेला परेको छ।
रौतहटको ईशनाथ नगरपालिका–८ का ६९ वर्षीय शेख बसिर राजपुर नगरपालिका–६ बस्दै आएका थिए । उनी ईशनाथ–८ कुडिया पुलस्थित खोलामा मृत अवस्थामा फेला परेका छन् ।
रूपन्देहीको बुटवल उपमहानगरपालिका–९ स्थित सुपादेउराली होटलमा काम गर्ने गुल्मीका २५ वर्षीय रामप्रसाद पन्थ तिनाउ खोलामा मृत अवस्थामा फेला परेका छन् ।
सुनसरीको बराहक्षेत्र नगरपालिका–१० बाहुनीटोल बस्ने मेनकला राईको गोठमा ओखलढुंगाका ४२ वर्षीय सुभाष राई मृत अवस्थामा भेटिएका छन् ।
त्यसैगरी, कास्कीको पोखरा महानगरपालिका–२२ तिलाहारमा डेरा गरी बस्ने उदयपुरकी ४० वर्षीया अनिता क्षेत्री आफ्नै कोठामा मृत फेला परेकी छिन् ।
यस सम्बन्धमा प्रहरीबाट आवश्यक अनुसन्धान जारी रहेको छ ।
तपाईको प्रतिक्रिया दिनुहोस