देउवा निवास बूढानीलकण्ठमा मन्त्री र सांसदहरूको संयुक्त बैठक जारी
२०८१ माघ ३, बिहीबार ११:५२ मा प्रकाशित
काठमाडौं । नेपाली कांग्रेसको संसदीय दल कार्यसमिति र मन्त्रीहरूको संयुक्त बैठक जारी रहेको छ ।
सभापति शेरबहादुर देउवाको आव्हानमा संसदीय दलको कार्यसमिति र कांग्रेसबाट प्रधानमन्त्री केपी शर्मा ओली सरकारमा प्रतिनिधित्व गर्ने मन्त्रीहरूको संयुक्त बैठक बसिरहेको हो ।
संसदीय दलका प्रमुख सचेतक श्याम घिमिरेका अनुसार बैठकमा दलबाट ओली सरकारमा प्रतिनिधित्व गरेका पार्टीका मन्त्रीको पनि ब्रिफिङ सुन्ने तयारी छ ।
सो बैठकमा ओली सरकारमा प्रतिनिधित्व गर्ने १२ जना मन्त्री र राज्यमन्त्रीको उपस्थिति रहेको छ ।
दलका कार्यसमितिमा रहेका महामन्त्रीद्वय गगन थापा र विश्वप्रकाश शर्मासहित राष्ट्रिय सभा संसदीय दलका नेता कृष्णप्रसाद सिटौला, प्रमुख सचेतक श्यामकुमार घिमिरे, सचेतक सुशिला थिङ सहभागी छन् ।
तपाईको प्रतिक्रिया दिनुहोस