काठमाडौं । अखिल (क्रान्तिकारी)को नयाँ नेतृत्व चयनका लागि शनिबार भएको निर्वाचनको मतगणना पुनः अन्योल बनेको छ ।
केन्द्रीय निर्वाचन समितिले विश्वविद्यालय र उपत्यका विशेष प्रदेशको मतगणना पार्टीको केन्द्रीय कार्यालय पेरिसडाँडामा गर्ने योजना बनाएपछि अन्योल बनेको हो ।
समितिले असुरक्षाको कारण देखाउँदै पार्टी केन्द्रीय कार्यालयमा मतगणना गर्नुपर्ने बताएको छ ।
तर, अध्यक्षका उमेदवार हेमन्त राईले यसो गर्न नहुने बताएका छन् । उनले बाटोमै केही समस्या हुनसक्ने भन्दै मतदानस्थलमै गणना गर्नुपर्ने अडान राखेका छन् ।
विश्वविद्यालय र विशेष प्रदेशको मतदान केन्द्र प्रदर्शनी मार्गस्थित वाल्मीकि क्याम्पसमा रहेको थियो ।
विश्वविद्यालय र विशेष प्रदेशबाहेक बाँकी सातवटै प्रदेशमा भएको निर्वाचनको परिणाम आइसकेको छ ।
यसअघि मतपत्रमा प्रयोग भएको आधिकारीक रङलाई मात्र मान्यता दिने कि अन्य रङलाई पनि माध्यता दिने भन्ने विषयमा विवाद हुँदा मतगणना स्थगित भएको थियो ।
स्थगित मतगणना हालसम्म सुरु भएको छैन ।
तपाईको प्रतिक्रिया दिनुहोस