नेकपा (माओवादी केन्द्र) निकट विद्यार्थी संगठन अखिल (क्रान्तिकारी) को नयाँ नेतृत्व चयनका लागि भएको निर्वाचनको मतगणना विभिन्न प्रदेशहरूमा सम्पन्न भए पनि उपत्यका विशेष र विश्वविद्यालयको मतगणना विवादका कारण स्थगित भएको थियो ।

बाल्मिकी क्याम्पसमा रहेको मतदान केन्द्रमा मतगणना प्रक्रिया विवादपछि रोकिएको थियो। आज साँझ मतपेटिकाहरू सुरक्षा घेरामा स्कटिङ गर्दै बाल्मिकी क्याम्पसबाट माओवादी केन्द्रको पार्टी कार्यालय पेरिसडाँडा पुर्याइएको छ ।

पेरिसडाँडा पुगेसँगै अहिले पुनः मतगणना प्रक्रिया सुरु भएको छ । 

मतगणना विवादबारे दुवै पक्षले आ-आफ्नो धारणा प्रस्तुत गरे पनि अन्ततः स्कटिङ गर्दै पार्टी कार्यालयमै गणना गर्ने सहमति जुटाइएको थियो । निर्वाचनको अन्तिम परिणाम आज राति नै आउने अपेक्षा गरिएको छ। 

उपत्यका विशेष प्रदेशमा २६४ र विश्वविद्यालय प्रदेशमा २५८ गरी ५२२ मत गणना हुन बाँकी छ ।