इन्टरपोलको ‘हेड अफ एनसिबी कन्फरेन्स’मा नेपाली टोलीको सहभागिता
२०८१ माघ २८, सोमबार १४:२३ मा प्रकाशित
फ्रान्सको लियोनमा इन्टरपोल महासचिवालयद्वारा आयोजना गरिने २०औं 'हेड अफ एनसिबी कन्फरेन्स'मा सहभागी हुन प्रहरी अतिरिक्त महानिरीक्षक (एआईजी) दीपक थापा नेतृत्वको नेपाली टोली आइतबार त्यसतर्फ प्रस्थान गरेको छ ।
फेब्रुअरी ११ देखि १३ (२०८१ माघ २९ देखि फागुन १ गते) सम्म सञ्चालन हुने कन्फरेन्समा इन्टरपोलका १९६ सदस्य राष्ट्रका एनसिबी प्रमुखहरू, इन्टरपोल महासचिव तथा पदाधिकारीहरूबीच अन्तर्राष्ट्रिय अपराध नियन्त्रण र बालबालिकामाथि हुने अपराध नियन्त्रणको विषयमा छलफल हुनेछ ।
सम्मेलनको क्रममा समसामयिक अपराध अनुसन्धान, क्षमताविकास तथा एशिया–प्रशान्त क्षेत्रका राष्ट्रहरूबीच समन्वय सम्बन्धमा Round Table Meeting हुने कार्यक्रम समेत रहेको छ ।
उक्त कार्यक्रममा प्रहरी उपरीक्षक कोमल शाहले पनि सहभागिता जनाउने बताइएको छ ।
तपाईको प्रतिक्रिया दिनुहोस