बैतडीको पुर्चौडी नगरपालिका–७ भौनीबाट जन्ती लिएर बझाङतर्फ फर्किंदै गर्दा बडुगाउँको मोडमा भएको भीषण बस दुर्घटनामा ज्यान गुमाएकाप्रति श्रद्धाञ्जली व्यक्त गर्दै नेपाली कम्युनिष्ट पार्टी (नेकपा) बझाङले आज र भोलि दुई दिनका लागि आफ्ना पूर्वघोषित सबै कार्यक्रम स्थगित गरेको छ ।

जिल्ला पार्टीले शोक वकतब्य जारी गर्दै मृतकका परिवारलाई उचित राहत तथा क्षतिपूर्तिको व्यवस्था गर्न र घाइतेको उपचारमा कुनै कमी हुन नदिन सम्बन्धित निकायसँग आग्रह गरेको छ ।

यस दुर्घटनामा मृत्यु हुनेको संख्या १३ पुगेको छ । प्रहरीका अनुसार सबै मृतकको सनाखत भइसकेको छ ।