प्रधानमन्त्री वालेन्द्र शाहले आज मन्त्रिपरिषद्को बैठक आह्वान गरेका छन्। प्रधानमन्त्रीको सचिवालयका अनुसार बैठक बिहान ११ बजे सिंहदरबारस्थित प्रधानमन्त्री तथा मन्त्रिपरिषद्को कार्यालयमा बस्नेछ।
आजको बैठकमा आगामी बजेट अधिवेशनको तयारी, प्रशासनिक नियुक्तिहरू र मुलुकको पछिल्लो राजनीतिक तथा आर्थिक अवस्थाबारे महत्त्वपूर्ण निर्णय हुन सक्ने अनुमान गरिएको छ। यसअघिको मन्त्रिपरिषद् बैठकले आगामी वैशाख २८ गतेका लागि सङ्घीय संसदको अधिवेशन आह्वान गर्न राष्ट्रपतिसमक्ष सिफारिस गरिसकेको छ।
संसद अधिवेशन सुरु हुनुअगाडि सरकारले ल्याउनुपर्ने अध्यादेश, नीति तथा कार्यक्रम र बजेटको प्राथमिकताका विषयमा पनि आजको बैठकमा मन्त्रीहरूबिच छलफल हुने कार्यतालिका रहेको छ।
तपाईको प्रतिक्रिया दिनुहोस